魚樂無窮：獨一無二的影子股
■中國飛機租賃首席執行官潘浩文。 資料圖片
中國銀行（3988）日前宣佈，董事會通過分拆旗下飛機租賃業務上市，具體時間有待落實。在港掛牌的同業，只得中國飛機租賃（1848）一間，資金炒影子股，一定揀佢！
中國飛機租賃由光大控股（165）分拆出來，於去年7
月上市，紅色資本味道極濃。今年6月，時任首席執行官潘浩文及首席財務官余大弟齊齊跳船，光控首席執行官陳爽臨危受命，兼任中國飛機租賃首席執行官。消息公佈後觸發洗倉潮，加上中港股市頻爆股災，中國飛機租賃一度低見5.79元，較高位蒸發超過六成。不過，業績卻未因高層調動走樣，截至6月底止，中國飛機租賃半年收入勁升47%至6.4億，盈利更增長86%至1.2億元，相對中行旗下飛機租賃同期收入及盈利僅升3%及5%，中國飛機租賃明顯處於高速增長期。以中期盈利計算，年度化市盈率23倍，如計及潛在增長，預計在廿倍樓下，不算昂貴。
事實上，除飛機租賃外，公司還染指飛機拆解業務，7月時成功於哈爾濱投得一幅近30萬平方米土地，將打造成飛機拆解中心基地，最終目標每年可處理逾百架飛機，成就一條龍服務。
中國飛機租賃經過一輪橫行後，周初突然向上突破，兼有成交配合，動力十足，炒一轉反彈，第一站先睇10蚊！
唐牛
https://www.facebook.com/tongcow88
唐牛
魚樂無窮 - 唐牛 舊文