魚樂無窮：亂市下炒賣攻略
■大洋集團市賬率得1.6倍；圖為非執行董事吳意誠。 資料圖片
港股八連跌，創一年最長跌浪，但三大指標反映，大市有力一彈。第一，從圖表出發，恒指以陽燭高收，成交亦有所增加，證明21000點支持力強，有望築起短期底。第二，9RSI噚日逼近20嘅嚴重超賣水平，為9
月底以來沽壓最嚴重，當時恒指9RSI見20後，即連升3日，累積升幅接近1,300點，今次有望歷史重演。第三，細價股有炒味，潛在賣盤股卓悅（653）、日東科技（365），全部有兩位數字升幅，證明市場資金仍在，只待時機出擊。
正如噚日在facebook講，究竟今次係真見底定死貓彈，冇人知道，但順勢而行肯定唔會錯，既然殼股有勢，今日就翻兜潛在殼股大洋集團（1991）。話佢係潛在殼，一啲都唔過份，事關控股股東黃勝舜及其家族成員，7月時曾表明，有意向獨立第三方出售54%股權，但經過兩個月時間，磋商正式終止，不過，股價裂口下跌後，竟反地心吸力而上，最新已累升逾一成。
如此驚人走勢，反映資金博緊大洋賣盤消息一不離二，事實上，公司連續三年共蝕5.1億，易手明顯係唯一出路，再講，卓悅同日東可以炒到2.8及2倍市賬率，而大洋只係得1.6倍，平得過份。最新價0.99元，與4個月前炒賣殼高見1.9元，差咗足足九成，大洋值博率有幾高，十分清楚了。
唐牛
https://www.facebook.com/tongcow88
唐牛
魚樂無窮 - 唐牛 舊文
來源 source: http://hk.apple.nextmedia.com