中環在線：
屈臣氏幫超人 Hard sell愛港
■左起：屈臣氏董事總經理黎啟明、林鄭月娥及屈臣氏首席營運總監倪文玲齊齊主持酒會。 黎樹雄攝
■李嘉誠 超人李嘉誠旗下長和系近年有好多舉動，成日被人話有撤資之嫌，咁啱長和（001）旗下
屈臣氏集團為慶祝明年175周年，噚日舉行酒會，集團乘機大鑼大鼓宣佈，話會全力支持政府宣傳工程「欣賞香港」活動。不過，超人與「小超人」李澤鉅兩父子噚日都冇現身喎。
李氏兩父子no show
今年8月，屈臣氏喺銅鑼灣開設全球第1.2萬間分店，李澤鉅好難得咁抽咗些少時間主持開幕禮，其間多次表明長和心繫香港，將持續在港投資。屈臣氏公關冇解釋李氏父子因何噚日no show，只係話今次係屈臣氏活動，由集團董事總經理黎啟明主持大局就得。
黎啟明用英文致辭時，亦都跟番李氏路線，強調「Hong Kong is our home, it won"t change（香港是我家，未來不會改變）」。
政務司司長林鄭月娥作為主禮嘉賓，就回禮咁話，佢2004年調任香港駐倫敦經濟貿易辦事處處長時，要製作一本書介紹香港商機，當時竟然唔夠budget，要自己四周圍去搵贊助。當時主理屈臣氏集團歐洲業務嘅蘇若禹一口答應，買咗兩頁紙介紹歐洲生意，林鄭之後先至了解到集團發展得咁快雲雲。
屈臣氏講明全力響應政府嘅「欣賞香港」，酒會上亦花咗唔少時間，介紹明年推出、叫做「Project LOL」嘅公益活動。頭炮係明年4月，動員商界超過1,000名義工，探望1,750位獨居長者。
■屈臣氏廣州藥房掛著「仙術佛心」牌匾，原來係由清朝光緒皇帝賞賜。 
■屈臣氏曾於冰室出售飲品，圖為重新搭建的懷舊佈景。 李華華
mailto:LiWaWa@AppleDaily.com
李華華
LiWaWa@AppleDaily.com
中環在線 - 李華華 舊文
來源 source: http://hk.apple.nextmedia.com