中環在線：fb教主衣櫃僅兩款衫
港財金名人也有專一Look
■朱克伯格嘅衣櫃入面，只有灰色T恤及外套兩款。 朱克伯格fb圖片
[社交網站facebook（fb）創辦人朱克伯格（Mark Zuckerberg）認真有幽默感，佢最近放完侍產假復工，上載咗張衣櫃相喺fb，跟住話唔知第一日
復工著乜衫，不過佢衣櫃嘅衫得兩款，仲要全部都灰色。
朱克伯格與已故「蘋果教主」喬布斯出曬名，差唔多每日都著住同樣嘅衫褲，好似著校服咁，朱克伯格多數灰色短袖T恤配牛仔褲，喬布斯就黑色衫配牛仔褲，基本上已經成為佢哋嘅標記。
朱克伯格曾經被人問過點解要咁著衫，佢嘅答案好簡單，就係唔想浪費精神時間，唔想喺其他事情上做咁多決定，寧願花時間去諗點樣改善社會。喬布斯更加諗過為員工設計制服㖭呀，員工當然大叫唔好喇。
呂志和戴帽戴足幾十年
singlepic id=19759466 w=160 h=120 float=right]其實喺本港金融界，亦有幾位名人有標記式衣著，最容易令人記起，當然係銀娛（027）與嘉華（173）主席呂志和經常戴住頂帽喇。87歲嘅呂志和習慣戴帽幾十年，主要為咗擋風，免得吹冷氣吹風病倒。
金管局總裁陳德霖就最鍾意戴湖水綠色嘅領帶，十次現身，有九次都見佢戴呢隻色嘅領帶。「超人」李嘉誠嘅左右手霍建寧近年亦偏愛著白色企領恤衫，好多次喺長和系業績會或股東會都見佢白色企領恤衫配西裝，別具個人風格。
日日著住相同顏色與款式嘅衣物，好多人都會覺得悶，但其實此舉係建立個人身份認同嘅一個方法。當衣著成為一種標記，其他人就容易記得與分辨出來喇。
李華華
mailto:LiWaWa@AppleDaily.com
李華華
LiWaWa@AppleDaily.com
中環在線 - 李華華 舊文
來源 source: http://hk.apple.nextmedia.com