回報保障股
2016/01/20 08:39:34
網誌分類: 經濟
中國昨日公布去年第四季及全年GDP增長，去年第四季GDP增長6.8%，略差過市場預期的6.9%，而全年增長則為6.9%，符合市場預期。另外，內地去年12月規模以上工業增加值較去年增長5.9%，差過市場預期的增長6%，固定
資產投資及工業生產都在放放緩，整個中國經濟在一個放慢勢頭當中。
瑞信亞洲區首席經濟學家陶冬發表報告，料今年相關增長會進一步放緩，但估計短期經濟不會出現「硬著陸」，預計內地今年GDP增長為6.5%。他認為減稅將成為中國2016年經濟最大主題，估計3月推行寛減包括企業稅、個人所得稅等措施；另外，人行會持續放鬆貨幣政策，預期今年將會減息兩次，每次0.25厘及下調銀行存款準備金率200至400個基點。
內地去年經濟增長在預期之內，市場又預計阿爺今年將會繼續交放水救市，內地股市昨日顯著造好，上證綜指升3.2%，重上3000點大關上方，收3007點。內地股市反彈，又帶動全球股市反彈，港股恆指反彈2.1%，歐洲股市亦跟著造好，其中德國股市升1.5%，法國股市升2%。
美股昨日假期後復市，朝早跟著外國股市造好，杜指一度升180點，標普500指數亦重上1900點上方。不過，中午以後，升幅逐步收窄，收市打回原形，空歡喜一場，杜指收市微升28點，收報16016點；標普500指數微升1點，收1881點；納指最弱，收市倒跌11點至4477點。
全球股市之所以反彈，原因係投資者見到中國經濟數字雖然唔靚仔，但又無想象中咁差，亦由於數字唔靚仔，又會迫使阿爺推出更多的刺激經濟同股市措施。不過有分析指出，由美股昨日的升勢唔能夠持久，中午已開始頂唔順回落，可見投資者唔係咁相信中國的經濟數字，所以仍然慮憂中國經濟唔得所帶來的衝擊，除此之外，在聯儲局可能再次加息的陰影下，油價下跌不止，美企盈利下滑以及美國呆滯不前的經濟增長，買股票的意欲缺缺。
股市好似過山車，大上大落，究竟仲有沒有入市賺錢機會呢？CNBC人氣節目《Mad Money》主持人Jim Cramer昨日表示，雖然美股近排已經跌得唔少，以標普500指數為例，當中有一半的成份股股價已經由高位回落咗20%，但其實仍然唔便宜，平均PE仍有16.8倍。不過，真要買股的話，亦唔係完全無希望。
Jim Cramer話在這樣差的市況下，惟一可知道及計得到的風險就是息口，即回報保障（yield protection）。一般而言，在大市向下的情況下，買入派息率高的股票係一個明智的選擇，因為無論大市的表現如何，高回報率已保證了一定的投資回報。買咗高息股當然唔可以阻止大市繼續下跌，但一個實質的回報率會幫助你在弱市時保著資金，在大市跌到底時可以捕捉到機會。
當然，選高息股亦要非常小心，因為某些高息股其實十分高風險，例如相當多的油股都派超過5%息，但油價跌得太急，會得不償失，所以要避開。又如機械製造商Caterpillar，回報率5.22%，但這由於中國係Caterpillar的主要市場，中國經濟太多不確定性，唔係好選擇。Jim Cramer建議最好是揀一些股價即使繼續下跌的股票，但你仍然有信心持有，甚至買入更多的股份，例如電訊等高新科技股、日常用品的品牌生產商等。
Jim Cramer雖然係講緊美股，但買內地及香港股票，道理都一樣。跌市中?高息股，好處是即使股價跌，仍有息收，只是買入基本因素較穩陣的收息股，若然不是急著賣，一年收佢5、6厘息，兩年後股價跌完又升，即使回到原點，收咗10、12厘息，又比乜都無做，?住現金無乜息收優勝。
陸羽仁
回應(6) 我想回應
陸羽仁 BLOG 舊文
來源 source: http://blogcity.me