女神tea time：後樓市瘋升時代
■過去的樓價瘋升已經確定一個事實，就係往後樓價升又死，跌又死。 資料圖片
向西村上春樹又爆seed，一篇《環海．東岸業主的十年》網上潮文瘋傳，睇到香港有殼冇殼業主個個欲哭無淚。
簡單講，個故仔係話主角買咗環海．東岸，踏上供樓呢條不
歸路；之後樓價跌到趴街，女朋友有咗要奉子成婚。2025年個仔返學，呻同學仔公屋靚過自己屋企，想掟個仔落街又怕變凶宅，結論係「你錯在唔係窮，而係唔夠窮」。
個故事荒誕得來其實好真實。事實係香港樓市之前瘋升，已造成唔少畸形家庭問題。唔知幾時開始，兒子上車靠父幹，置業要跨兩代，冇金鎖匙青年前景黯淡。男女談婚論嫁先決條件係要有樓，你身邊聽過幾多對男女朋友，最後因為冇樓鬧交結唔成婚分手？價值觀錯曬。最誇張係身邊識唔只一對新婚夫婦，婚後各自住返娘家。原因係租樓貴，但又買唔起樓，又或者係覺得樓價隊梗，唔知佢隊到幾時，未係入市時機。
過去的樓價瘋升已經確定一個事實，就係往後樓價升又死，跌又死。一石激起千重浪，樓價急跌唔只令香港經濟震盪，更慘係令社會出現更多畸形問題。如果政府未來唔認真處理震盪帶來嘅金融以至社會問題，一味講老遠嘅一帶一路，香港聽收皮。
Fifi
http://www.facebook.com/lovefrystock
本欄逢周四刊出
Fifi
女神tea time - Fifi 舊文
來源 source: http://hk.apple.nextmedia.com