摸魚手劄：高振順送殼？
■精電主席高振順。 資料圖片
市場早前有一單令人始料不及的刁，就是高振順把精電（710）賣走了。由我起家到𠵱家，都幾喜歡研究高振順這一系的操作，無計，因為佢的前員工行山死士太高調太惹火了。
今次的賣殼是以配售新股的方式進行，增發的股本相當於經擴大後的54.7%
，配售價折讓33.71%，作價14億元。公司會考慮派1.35億股息，當然新主無份，然後會申請清洗豁免全購要約。這一單刁新主舊主都有禁售期，高生半年，新主京東方就一年。
就咁睇呢單刁，高振順係半賣半送這隻殼。這單刁雖然要等批清洗豁免，但我覺得成功率幾高，派特別息是為了減輕公司的現金水平，避免了墜入「現金公司」的技術困難。第二個原因，是高振順一幹人等只持有一成多，本身控制權也不是特別穩牢，而且高振順做完這單刁後除了賺特別息外都賺唔到咩錢，相信證監唔會覺得佢係一單對散戶唔公平的刁。
精電係高振順系內相對實業型的股票，新主也是行業龍頭，業務上算對了門好親家。我的一位亦師亦友的行家說這單刁做得很華麗，咁我都同意，但我看不出這單刁高生可以有咩直接利益，除非佢覺得養住精電隻殼好煩好吃力，所以善價而沽。毛澤東話：「世界上沒有無緣無故的愛」，蝕本生意無人做，相信有一些商業外的好處，我哋未必知。
渾水
http://www.facebook.com/muddydirtywater
本欄逢周五刊出
渾水
摸魚手札 - 渾水 舊文
來源 source: http://hk.apple.nextmedia.com