中環迷你裙：博反彈要睇圖表
■中聯重科上月尾出現早晨之星，更錄得半年最大成交，可以留意。 資料圖片
油價升，環球股市gogogo；油價跌，環球股市只有攬炒的份兒。油價絕地反擊下，中港股市近日出現小陽春，好友無不熱淚盈眶，問題這個反彈浪能夠持續多久？首先，伊朗未承諾凍產，
OPEC冇曬牙力，炸彈未除之餘，油企已開始捱唔住，向來賺錢的中石化（386）勝利油田也要關閉。
紐約期油自去年中至今已遭腰斬，淡友食糊好合理，種種跡象顯示油價今鋪似挾淡倉多過見底回升。從技術分析來看，紐約期油呈W型底反彈，以黃金比率來量度反彈幅度，首站34.67美元。若閣下同意油價僅反彈非見底，這些關鍵位可能幫到你，同埋謹記博反彈第一規條：勿與股票談戀愛。
Samantha周初提大家留意那些嚴重超賣的指數股，這批股份亦都先後錄得不俗的升幅，炒反彈策略方面，現只信兩大訊號：成交和圖表。股價其實與物理不無關係，質得越低的股票，反彈力度越大。點解股票質得咁低？多係因為質地差，故這時如果用基本因素去博反彈，未必能夠食盡升幅。
睇圖表，中聯重科（1157）早於上月尾出現早晨之星，更錄得半年最大成交，上月發的是假盈警，純利按年大跌80%至90%，下半年實際是轉賺3.5億至4億元。博反彈去到2.5元好食糊喇！
Samantha
https://www.facebook.com/stocksamantha
本欄逢周五刊出
Samantha
中環迷你裙 - Samantha 舊文
來源 source: http://hk.apple.nextmedia.com