摸魚手劄：輸渣打痛過創業板
■轉個角度睇，輸渣打是可能輸得痛過創業板。 資料圖片
既然全世界一起睇淡，我唯有跟大隊，一同去睇淡，希望內地唔好捉我返去搭洗頭艇。大陸的互聯網金融變成了系統性傳銷，連宋鴻兵都中了伏；大陸的走資情況，本質上也是龐氏騙局，過往就基建、資本開支所打造的紙上富貴，人
民幣一貶值，一走資，泡沫就爆破了。
大市可以輸死人，大股都可以輸死人，保險股呢排成個板塊都震了一震。不過，最經典的都係銀行股。由於我已經太耐無睇，原來滙控（005）已經悄然去到52蚊，渣打（2888）仲離譜，已經穿埋50蚊。有時轉個角度睇，輸渣打可能輸得痛過創業板。數字是可以這樣看，創業板現在總市值是2,314億元，即係講緊全部創業板上市股票的市值總和。渣打現在市值是1,585億元，三年前在200元多跌下來，換言之現在的市值只是高𥧌時期的五分一多左近，高𥧌時期市值是5,000億元。如果你輸錯呢一隻「有實業」、「穩定」的銀行股，其實你仲衰過輸創業板股票，因為渣打由高位蒸發的市值，已經近同蒸發了兩個創業板。
處理大股細股，心態上都有所不同，因為創業板是夜場男女，大家都無想過長久，所以合則來，不合咪等下次囉。大家都知道來又快，去又快，唔會認真；但買大股的心態是「做人世」，很容易覺得安全而唔認輸，唔肯蝕，長期持有，結果反而輸更勁。
渾水
http://www.facebook.com/muddydirtywater
本欄逢周五刊出
渾水
摸魚手札 - 渾水 舊文
來源 source: http://hk.apple.nextmedia.com