一周三件：中軟升呢在望
■中軟推出「解放號」平台，享內地前三大規模嘅IT服務企業優勢。 互聯網
中軟（354）預測PE已經平通行家，家陣市值得58億元，旗下IT平台「解放號」，若果煲得掂，中軟升呢到好似百度同騰訊（700）級數，不得了。
中軟上年5月配股畀交銀國際，每股配售價3.68
元，中軟半年插咗近30%，現價2.71元，比配股價潛水26%。再喺上年10月，中軟配售8,510萬股畀內地最大手機開發商華為，每股2.8元，中軟現價亦係潛水。
拍住超級大孖沙
中軟呢兩次配股，唔係單單求集資，亦包括深化同兩位大孖沙戰略合作關係。另中軟上年先後中標阿里巴巴大框架，成為阿里戰略供應商、再同騰訊微眾銀行簽訂合約、成為〈中國藥品電子監管網多系統融合技術標準〉零售企業版認證嘅唯一總集成商，同時推出IT服務生態圈「解放號」。
中軟拍住各路超級大孖沙，多瓣數佈局，此其一。家陣騰訊市值1.4萬億元，百度4,940億港元，係中軟市值84倍。中軟挾住內地前三大規模嘅IT服務企業優勢，推出「解放號」平台，面對上萬億元人仔市場規模，若果煲得掂，升呢成為IT界中嘅騰訊企業號，或百度搜尋器咁，身價唔知點計！
唔扯咁遠，場內專業評估，中軟就快派2015年成績單，同今年EPS0.158港元同0.194港元，今年預測14倍PE。上邊騰訊今年30倍、百度27倍，又行家金蝶（268）20倍、金山軟件（3888）17倍，中軟平近半。買中軟，當上番上邊交銀配股價近3.7元，中軟要升36%，今年預測18.5倍PE，先追到去金山PE水位。
錢雋
細價股專家
本欄逢周一、三、五刊出
錢雋
一周三件 - 錢雋 舊文
來源 source: http://hk.apple.nextmedia.com