智取大市：
國債狂牛的成因
■美債現時價格或是金融近代史中最貴。 資料圖片
德國同日本10年期國債孳息率變負數，10年美債孳息率亦跌到1.6厘低位，主要國債孳息率唔係未試過分別跌到咁低，但同時齊齊喺低位真係冇試過，國債價格或係金融近代史中最貴，至少Bloomberg機顯示係。資金瘋狂
地多，不理性地避險、搵唔到好地方投資，於是被逼泊於國債中。
國債狂牛成因多，一點值得留意，就係新興增長行業普遍係輕資產、業務已提供足夠現金流，根本唔需額外資金，facebook、Google、騰訊（700）等就係好好例子；需要資金嘅反而係劣質公司，等錢債冚債。我有錢，我都泊喺國債而唔係借畀爛中資，呢點不難明白。
下一步點？兩條路，第一，債市泡沫爆破；第二，靠科技去製造經濟增長，消化貨幣供應，等債價健康回落。後者要解釋嚇，即等到科技龍頭將佢哋嘅開發成果，即原本概念性嘅嘢，達致大規模生產，令高端生產企業壯大，生產新產品再獲消費者吸納，推動經濟增長去逐漸消化貨幣供應。金融系統爆煲，唔一定，但好明顯美國部署緊行第二條路，點解龍頭瑞聲（2018）股價咁勁，講到呢度，你懂的。
晉佳
http://www.fb.com/advanceguy1
本欄逢周一、三、五刊出
晉佳
智取大市 - 晉佳 舊文
來源 source: http://hk.apple.nextmedia.com