中環迷你裙：保住份工係唔夠的
■當本港經濟轉差，保住份工的確重要。 資料圖片
立法會秘書處早前公佈人力調查簡報，指本港60後至80後共五代打工仔，無論是剛畢業大學生、打咗幾年工的，以至最精英的那一群，其每月工作收入都係一條下降軌來的，當內心深處已知的事實，化身成數字總變
得異常殘忍的，本港經濟告別高增長，知識型新增職位載唔落咁多大學生，人口老化高層流失率慢，一旦人工智能抬頭，這班未來社會中流砥柱將會受到下一波衝擊。
報告指，製造和貿易業機遇減退，僱主欠冒險精神，加上租金高企，令創業意欲低。不過Samantha又未覺太過絕望，近兩年港經濟開始轉差，身邊不少有份工的，都開始秘撈起來，此秘撈同廿年前的秘撈形式有所不同，不是出賣體力時間，多是以興趣出發，傳統如教琴，自家小手作網上放售，以至打造自家品牌搞生活消閒平台都有。
當本港經濟轉差，保住份工的確重要，但留唔留得低，往往不是自己能掌控，近排成個部門連根拔起的新聞不絕，上司和老闆都可能被炒時，這班創業的朋友想法是盡早開拓戰線博個機會，好過坐以待斃。Samantha相信每次經濟轉型都是一場試煉，會迫使人進步。
德國股神科斯托蘭尼講過，狗（市場）有時跑在主人（經濟）前面，有時跑在後頭，最終會回到主人身邊，咁家陣陰乾市，經濟有機會都係慢跌。港股嘛，今日公佈MSCI結果，脫歐公投七國咁亂，落場勝算唔高，只能夠提嚇啲舊相好，興達國際（1899）周一又回購，價位介乎1.62元至1.65元，上升軌暫未破壞，未走的朋友可以等多陣。
Samantha
http://fb.com/stocksamantha
本欄逢周三刊出
Samantha
中環迷你裙 - Samantha 舊文
來源 source: http://hk.apple.nextmedia.com