智取大市：超人又有大智慧
■單計今年5月，中國的貿易順差有500億美金。 資料圖片
誠哥接受彭博訪問，其中有智慧嘅一句係「人家只能夠看到國企或者是民間的負債，但他們另外要看的是中國的出口是那麼的多。」
中國地方債、影子銀行幾多幾多萬億固然嚇人，炸彈有爆破危機，但同時，單計5月，中國出
口1,810億美金，扣咗進口，貿易順差500億美金，呢筆數拍埋負債當然係小數，但對中國金融體系、經濟嚟講，係不能忽視嘅支持因素。搞笑地，小弟喺Google search有關5月中國出口嘅新聞，頭十條中只一條有提出口數值，大家只報道出口升跌幅，可見誠哥所提嘅，一直被市場忽略得好緊要。
15年前，有間上市公司面對類似中國現時困境，叫電訊盈科（008），負債一樣重到不得了，但固網同寬頻業務為公司帶嚟強勁兼持續現金流，及後仲有流動數據業務，雖股價距離高位跌好多，但呢一刻活得好地地，股價喺52周高位附近徘徊。電盈花咗超過十年重拾正軌，中國都可能係，但一個擁有強勁現金流嘅國家，要爆煲非易事，沉澱過程中，成個國家咁大，總有企業能擺脫痛苦而起機。
所以，港股方面，維持策略，續坐強股。
晉佳
http://www.fb.com/advanceguy1
本欄逢周一、三、五刊出
晉佳
智取大市 - 晉佳 舊文
來源 source: http://hk.apple.nextmedia.com