智取大市：政治進一步搞上你
■今屆立法會選舉報名，龍門任擺，係香港一大轉捩點。 資料圖片
今屆立法會選舉報名，龍門任擺，係香港一個重大嘅轉捩點。
雖然2014年佔領運動代表部份市民公然挑戰法律。不過，佔領嘅人當時絕對認同自己行為唔合法，只不過冒住違法代價去做一樣佢哋認為道德上啱嘅事。就
等於屋企人患急病，然後打劫搵醫藥費為家人醫病。
如果去到一個點，立法過程太不合理，又如何？跟住會觸發部份市民不信任、不接受立法制度，以後對於新設立嘅法例、甚至既有法例視而不見，性質同上述佔領運動大為不同。
所謂打壓港獨，其實係助長港獨去另一個山頭建立勢力，然後梁振英政府會點做，大家請想像。
以上，可以話只係開場白。想講嘅係，本地概念股從此投資價值打個折扣，至少要承受更深層次嘅負面政治因素，正如小弟之前所講，本地地產股只宜短炒，不宜長揸。因為，你唔會知道政治喺邊一刻，去到你屋企門口找上你。
晉佳
http://fb.com/advanceguy1
晉佳
智取大市 - 晉佳 舊文
來源 source: http://hk.apple.nextmedia.com