財路：京能業績靚仔可吼
■京能主打風力發電等潔淨能源。 資料圖片
京能潔能（579）有頭一季靚仔業績打底，食住主打地區整治霧霾，keep住有運行。加上超低預測PE，行家當中數一數二抵搞；而且有強勢母系，京能有注資concept。
京能今年頭一季盈利近8億元人仔，增長43%，呢季盈利，兼
等於上年全年盈利42%，好爆炸。京能主打包括燃氣、風力同水力發電，清一色潔能瓣數，唔會好似其他潔能股，畀火電拖累業績。
仲有，據中國科學院前排報告，京能主打嘅北京市，喺中國宜居城市當中，排名倒數第一，環境質素，係其中好大原因。京能食住地區整治霧霾，而集團對口係北京市政府，有超強勢母系，有埋呢個背景，京能掂過碌蔗。
又啱5月報載，母系會有包括深圳、珠海等珠三角地區潛在項目注入京能，總裝機容量約2,000兆瓦，京能又有得炒注資。京能現價2.41元，接近三年底，當上邊第一季盈利年率化，全年盈32億元人仔，已經講緊增長68%，得番4.4倍預測PE，場內至抵搞。就算按彭博綜合預測，京能今年EPS0.37港元，都係得6.5倍預測PE，係繼華電褔新（816，6倍預測PE）之後，最平嘅潔能選擇。
煲京能，當翻半番到3.62元，以上邊比較樂觀預測，目標價今年預測PE，都係得6.6倍！
錢雋
細價股專家
本欄逢周二刊出
錢雋
一周三件 - 錢雋 舊文
來源 source: http://hk.apple.nextmedia.com