智取大市：恐慌入市之條件
■有一項中央難以駕馭嘅因素，就係樓價。 資料圖片
承接上期，中國金融問題不能解決之同時，已將爆煲風險減到最低，不過，仍有一項中央難以駕馭嘅因素，就係樓價。
最近嘅國債問題點解唔能夠觸發系統性風險，原因係普羅大眾參與度極低，絕大部份大手持有國債嘅商業銀行，都
係政治系統之內嘅既得利益者，交易對手撞口撞面都係自己人，有乜依鬱枱面枱底傾掂，「假章門」亦可以最後武士，所以市場上唔見得有恐慌性拋售。
樓市本質同國債市場大不同，交易對手乜人都有，大部份認錢唔認人。中央一直希望落實不動產登記制度，簡單講係想查明所有樓宇業主嘅身份。對於中央嚟講，面對樓市泡沫，猶如進入一間漆黑嘅房間，雖然裏面同樣有自己手足，但同時有更多更多三九唔識七嘅人，齊齊喺房裏面打交，可想而知，樓市大跌起嚟，中央將會束手無策。
既然樓價因素對於後市極為重要，係中國爆煲關鍵所在，究竟2017年，樓價會唔會崩盤呢？小弟會將樓價視為不可預測因素，呢一刻只能預設一個簡單策略，市場恐慌但樓價唔跌，準備撈貨；市場恐慌樓價急跌的話，一定要清貨。
晉佳
http://www.fb.com/advanceguy1
本欄逢周一、三、五刊出
晉佳
智取大市 - 晉佳 舊文
來源 source: http://hk.apple.nextmedia.com