魚樂無窮：佳源潮食3D熱
■3D打印技術趨普及，佳源利用此技術可慳不少建築成本。
3D打印越見普及，產品更由昔日簡單文具玩具，升呢變成高樓大廈。盈創建築乃首家真正實現建築3D打印樓宇嘅內地高科企業，其全球首座3D打印辦公室，正式在杜拜誕生！今日推介嘅內房股佳源（2768），剛與盈創
成立合資公司，大片藍海就在眼前。
眾所周知，除咗地價外，起樓另一重擔在於建築成本，專業數據顯示，3D打印建築可節省建築材料三至六成，減少人力成本起碼五成，建築期更可縮短五至七成，三個字︰慳慳慳！盈創手執六項全球領先技術及應用突破、129項國家專利，內地超過95%劇院採用，肯定能與佳源產生化學作用。
講番佳源，公司主打江蘇省商住項目，最近亦動作頻頻。10月以轉讓方式購入南通四塊相連地，作價4.2億人仔，地盤面積近20萬平方米，預計南通市將成為鄰近城鎮主要經濟及交樞紐，配合城鎮化；11月更進駐深圳，擬以7億銀購入羅湖區商住地，務求提升於珠江三角洲嘅知名度。
佳源今年3月上市，現價較招股價高出三成，處於無蟹貨區，一旦3D打印發熱發亮，炒起上嚟肯定更得心應手，戰友們睇實喇。
唐牛
http://www.fb.com/tongcow88
本欄逢周二、四刊出
唐牛
魚樂無窮 - 唐牛 舊文
來源 source: http://hk.apple.nextmedia.com