財經評論：
睇樓收費陸續有來
■市場寄望即將有SSD鬆綁屋苑出籠，可為市場提供供應，如荃灣環宇海灣。 資料圖片
近期有地產經紀表示，不少業主為免自己個單位淪為示範單位，向睇樓客收費。
有代理呻，此舉令不少準睇樓客卻步，促成交易機會降低，一邊廂不希望收費成風，直接影響生計，因而經常將一盤難求掛在嘴
邊，促有意置業市民把握機會；另一邊廂又不敢得罪業主，左右為難，因而此類業主盤與連租約盤無異，想參觀一下，彷彿要跪求業主首肯開門，樓市如此畸形，政府有責任。
樓市早已不像97「一個蓋有幾個煲」的情況，普遍業主持有物業都是一個起兩個止。政府多次推出辣招，令買樓成本大增，擊退炒家，沒有投資者參與的樓市，形同一池死水。各業主手持貨源不多，在市場放賣放租自然少，沽出一層物業，新買一層，成本較以前高，沒有巨大誘因放賣，二手盤源只有不斷下跌，供應少，樓價就高居不下，加上銀行承按門檻高，要上車置業的市民為顯誠意，付出自然更多。
政策傾斜予發展商，新盤市場供應量一定較二手多。以即將開賣的啟德新盤嘉匯為例，單位總數900夥，還要主打一及兩房細單位，供應量比天水圍嘉湖山莊約400個放盤還要多，而且嘉湖山莊有樓睇的單位不足80夥，購買力豈難不流入一手主場，連同發展商提供高成數按揭，財務安排上贏二手樓九條街，只是一手樓多是樓花物業，未能即買即住，是買家要考慮因素。
市場寄望即將有SSD鬆綁屋苑出籠，為市場提供供應，如荃灣環宇海灣、長沙灣豐匯等，鬆綁貨業主假若未能一間換一間，持有的單位也未必輕易放賣，缺盤只會是一個循環。
記者：湯家明
財經評論 舊文
來源 source: http://hk.apple.nextmedia.com