智取大市：吼實新潛力板塊
■治理空氣汙染肯定係兩會重點之一。 資料圖片
即使跌股多過升股，但市場炒風仍然旺，喺港股氣氛未扭轉之前，強勢股見回吐兩、三日就差唔多短線見底，想跌得多都難，馬鋼（323）連跌三日之後，周二就反彈近半成，已屬一例，個game幾時完？點知，剩係知仲未倒數。
汽車股
、科網股炒到曉飛，之前冇買就無謂高追，只知道強勢板塊肯定loop住炒，大家炒到㷫烚烚之際，仲記唔記得3月初係兩會開幕嘅日子，個市咁好，距離兩會只有一個月，唔信兩會概念股喺2月唔翻炒。
治理空氣汙染肯定係重點之一，燃氣股同埋個別新能源股值得買定先。燃氣股裏面有兩個選擇，第一，龍頭股新奧能源（2688），股價由12月下旬31蚊樓下，唔夠一個月炒上38蚊，升足兩成，然後進入整固。
當其他同業做緊旗形之際，新奧支旗係微微向上，回都唔肯回，周二低成交keep住高位唔跌，應該準備第二輪攻勢，升多唔夠一個月，時間啱啱好到兩會。第二個選擇係中國燃氣（384），走勢相若，做上升旗形嘅同時，喺保歷加中軸連日守住兼近兩日出現陽燭，即係就快發力，基本因素方面，晉佳欣賞公司決策夠靈活，同樣買得過。
晉佳
http://www.fb.com/advanceguy1
本欄逢周一、三、五刊出
晉佳
智取大市 - 晉佳 舊文
來源 source: http://hk.apple.nextmedia.com