大起公屋益到地產股
2017年02月08日
日出而作、日入而息，本來投資炒股嘅人對於政治嘅興趣未必好大，不過二月份開始特首選舉爭入閘，候選人嘅政綱難免有經濟同樓市政策，雖然佢嘅影響同美國選左特朗普做總統差得遠，但對港股都係一個中長期嘅因素。
前日做過財政司司長嘅曾俊華出嚟講政綱，喺
民生最大嘅議題當然係樓市，佢開左張都幾大嘅期票出嚟，就係話要有六成人可以住公屋。
O依家香港有五成人住係公屋，要喺五年或十年內增加一成公屋嘅比例，都咪話唔嘢少。佢咁講完，現屆嘅特首梁振英就跳出來質疑，話要起咁多公屋，就算唔賣地都唔掂喎。如果要攞晒啲地起公屋，咁無地起私樓，咁樓價同租金咪飆升？
養老金入市打響第一槍
大話怕計數，中環茶友話，O依家香港住宅單位庫存已經超過二百萬個，如果要起多一成公屋，即係要起多二十多萬間，如果鬍鬚曾做五年，即係每年要起四萬間，咁除非搵到好多地，否則可能真係要用絕大部份嘅地嚟起先掂，咁到時邊到搵地起私樓呢？梁振英第一時間出嚟玩踢爆，一個好大原因係鬍鬚曾咁做即係推翻佢嘅政府。
O依家呢個政府做左五年嘢，就係要大增私樓供應，搞到累積準備推出嘅私樓差不多有成10萬間，鬍鬚曾如果一上場就將重點放左喺公屋，咁豈不是將阿梁嘅政策來個一百八十度轉變，咁你話佢點忍得唔出聲先？鬍鬚曾喺回應時就話呢個係長途目標，短期做唔到。
茶友話，現屆政府搏命搵地，O依家都係搵得咁多，將來無論邊個上場，相信短期都好難大增供應，分別只係啲地用嚟起乜。從市場角度講，用有限嘅地起公屋可以幫到低下階層唔係壞事，不過咁要買私人樓就會難左。從投資角度，如果鬍鬚曾呢個政策落實，對地產股應該係好消息，因為佢地唔使驚私樓去唔到貨之餘，主要嘅土地儲備喺佢地手上，唔驚內房商來港搶爛市，所以雖然大起公屋十劃都無一撇，地產股未有乜反應，但如果想買地產股，都要留意吓特首選情O架。
內地外儲首次跌穿三萬億
周一市傳養老金入市，陝西省政府昨日透過官方網站公佈，該省將於今年起實施養老基金投資運營。公佈話，目前該省已與全國社會保障基金理事會正式簽署了《委託投資合同》，走在了全國基本養老保險基金委託投資運營的前列。內險股延續周一升勢，國壽(2628) 升2.2%，報23.5元；中國太平(966) 升2%，報18.4元。係養老金消息入市之餘，人民銀行就公佈左中國1月外匯儲備為29982.04億美元，數字係差過市場預期，為自2011年2月以來首次低於3萬億美元。
外管局負責人話，從1月份的情況看，央行向市場提供外匯資金以調節外匯供需平衡，是造成外匯儲備規模下降的主要原因，由於適逢農曆春節，居民境外旅遊、消費等活動增多，企業償債和結算等財務操作也會增加，帶來相應用匯需求，成為外匯儲備規模下降的季節性因素。
好彩嘅係離岸人民幣拆息持續下跌，1周離岸人民幣香港銀行同業拆息(Hibor)下跌80個點子至4.82481%，為去年12月1日以來最低水平，反映左市場情緒比較平靜。 喺好淡消息爭持下，指數都係窄幅上落，收報23331點，跌16點；國企指數收報9846，漲5點，成交金額687億元。藍籌股表現較好係獲瑞銀唱好的聯通(762) 逆市升2.6%，報9.45元；瑞聲(2018) 更升3.5%，報82.45元，成表現最佳藍籌。
陸羽仁
金融High Tea 舊文
來源 source: http://hdfin.stheadline.com