兩會炒股改
2017年03月02日
踏入三月份，市場焦點有兩個，一個係美國聯邦儲備局議息；另一個則係兩會召開。
先講美國聯儲局加息，呢排儲局官員出晒嚟放鷹，最新焦點係負責利率政策嘅儲局成員、紐約聯儲主席杜德利係會前話，預計「相對而言不遠的將來」會加息。他成為一日內第三位釋放鷹派訊號
的聯儲高官。佢開口後市場反應係美債價格即時下跌，美息上升，美元反彈。美國聯邦基金期貨交易製作的「聯儲局觀察工具」 顯示，市場預期3月加息概率由昨日稍早時的40%，急升至62%。消息隨之令美股終止左12連升。
儲局放鷹 美股受壓
另一個因素就係兩會開幕，相信會陸續有唔少政策出台，經濟方面，領導人習近平年前提出供給側改革，減少過剩產能。由於呢個名詞有點學術性，但大家慢慢睇真啲，開始知道政策嘅影響，最明顯係一啲國企主導嘅市場好似能源、礦產等，相關之前因為供應過剩股價跌到好殘，係減少產能政策下汰弱留強，上左市嘅公司當然有得留低，成為政策嘅得益者，呢幾類本來睇起嚟前景黯淡嘅股份，股價爆冷大幅攀升，可見係政府仍然有力主導經濟嘅內地市場，政策因素始終唔可以忽視。
今年兩會有乜主題，相信企業體制改革會係重點之一。市場都開始做定功課。渣打銀行發表報告指，估計會議會強調推動改革，應對資產價格泡沫，防範經濟及金融風險的重要性，並料推行房產稅以及關閉內地殭屍企業亦會成為會議的重點。
報告認為雖然中央調低了今年經濟增長目標，由去年的6.7%調低至6.5%，但相信仍會推出更多支持措施以達到目標。
除左宏觀分析，有大行都挑選啲受政策影響嘅股價發表報告，德銀就將中國鋁業(2600) 評級調高至「買入」，並認為該行業潛在供應減將助盈利提升。中鋁股價收市就升左4.2%，報4.16元。
中石化跌定等派成績表
兩會想炒吓股改概念，有中環茶友就留意緊雙中石化(386) ，三桶油去年上半年表現唔錯，但踏入農曆年後股價較呆，主要係油價反彈後開始徘徊，呢個星期仲回得比較多。
茶友覺得中石化除左會受惠油價轉穩，仲有股改概念。中石化之前曾表明考慮今年分拆零售分支在香港獨立上市，集資最多100億美元，消息一度帶動股價炒上。
最近呢排股價較強，可能同業績公佈有關，因為據公司公佈，去6年全年集團原油產量約3.04億桶，按年下跌13.15%，其中中國產量約2.53億桶，按年下跌14.57%；海外產量5035萬桶，減少5.23%，減幅都比較明顯。而家佢股價跌穿左6元，市盈率去番3%，如果公佈業績唔靚仔，就有機會可以趁壞消息入貨。
美股回調，港股就微升，恒指收報23776，升35點；國企指數收報10287，下滑9點，成交金額762億元。澳門賭收創兩年新高，月份博彩毛收入229.91億澳門元，是2015年1月以來最多，按年增長17.8%，為連續7個月錄得按年增長，比市場預期的9%至14%升幅為佳，按月計則增長19.4%。銀娛(027) 急升5.5%，收報39.25元。
陸羽仁
金融High Tea 舊文
來源 source: http://hdfin.stheadline.com