利字當頭：
預測樓市的假先知
■樓市升勢持續。 資料圖片
有人話，樓市未來五年難跌，理由是權貴不想樓市跌，「北方客」揸重貨，更加不想樓市跌。
碰！唔好意思，頭先講到邊度？樓市升定跌，由主觀願望決定嗎？不過，同一個人又話，曾蔭權和梁振英都出招打壓樓價，無功而回，卻又可以做到任期屆滿，
可見只要樓市不跌，特首地位也不會受威脅。喂阿哥，究竟你覺得梁振英想打壓樓價，定係唔想？
無論如何，其實這位樓市KOL都一定可以找到理由，去肯定他提出未來五年樓市難跌的立論。不過，當兩個完全邏輯上互相牴觸的理由，都可以得出同一個結論，此人若非不是白癡，便是不世出的詭辯天才。
每逢出現泡沫經濟，四方八面總會湧現各適其適的投資達人。無他，收風者想坐順風車，而放風者實則借東風。
科網熱，有人宣揚Day Trade哲學；港股大時代又再冒起一些股神；近年的樓市KOL，更加是男女老少樣樣齊。多得長江後浪推前浪的假先知，市場的造神運動才會如此波瀾壯闊。
參與市場假如只是為賺錢，通常都選擇悶聲發大財。將手上十三隻牌影相放上Instagram再開班教人打麻雀，通常都是自信心不足，到處宣揚「賺錢福音」是為了肯定自己多過真正發錢寒。
最後，我想講：「少年，你太年輕了。」當年的董建華，就算本事再大，也沒有能力召喚一場亞洲金融風暴，並追加一次科網股爆破。香港那役百年一遇的衰運，只是大氣候下的小風景。
換言之，樓市升沒有人阻得到，要是跌的時候也沒有救，不是說誰想個市升，個市就升，要個市停，價格就會凝固。市場，比你想像中的更複雜，變數，也比你想像的更多。
利世民
http://www.fb.com/leesimon.hk
本欄逢周二、四刊出
利世民
利字當頭 - 利世民 舊文
來源 source: http://hk.apple.nextmedia.com