智取大市：加倉仲有好選擇
■內房股表現強勢，雅居樂有運行。 資料圖片
周一恒指仲喺保歷加通道中軸樓下受阻，條街仲係睇得審慎之際，短短一個交易日，大陽燭突破，恒指距離高位變咗得返200點之遙，升跌股份比例係近期首次升股多於跌股、升股接近千隻，牌面形勢似180度改變。今日過後，相信投資者
情緒會樂觀番啲，769億主板成交唔算多，證明投資者未追得切貨，所以，股價仲會有後來資金幫手推高，最大波幅/升幅相信仲未出現。不過，股份兩極化趨勢會緩和、但仍然存在，所以買強股好過撈弱股。
本欄近期屬於好友陣營，恒指以至原先睇好嘅科網、手機設備股都係keep住睇好，等見頂訊號出現先會沽。
如果呢一刻諗住加倉，仲有乜好選擇？一批同恒指早前情況相若、橫行進行整固、跌唔落等待爆上嘅股，之後一樣有運行，代表股份有強勢內房股。
雅居樂（3383）2月至3月下旬由4蚊邊，急升至7蚊樓上，過去一個月成交下降、橫行整固，但股價承接力甚強，整固完都仲係7蚊樓上，乘港股轉勢，只要成交增加推鬱股價，上8蚊根本冇難度。調整市期間，回吐得越少、起步得越快嘅股，先係領袖股，先能夠跑贏大市。
晉佳
http://www.fb.com/advanceguy1
本欄逢周一、三、五刊出
晉佳
智取大市 - 晉佳 舊文
來源 source: http://hk.apple.nextmedia.com