魚樂無窮 - 唐牛 2017年6月13日
魚樂無窮：股場最廢一句話
■恒指由50隻成份股組成，可演變的組合較六合彩還要多。 資料圖片
做得財經評論，少不免要為大市作一些主觀判斷，有人鍾意見好唱好，見淡唱淡，務求減少出錯，但靈魂早已飛走，只有殘留的驅殼；有人則會堅持己見，估中當然威威，但估錯遇上單邊市，死牛一便頸下，最後淪為人家笑柄。
有跟進本欄的戰友都知道，我甚少對指數作出預測，一來要預測準確，機會一半半，但技術含量十分高，以恒生指數為例，由50隻成份股組成，當中可演變的組合，較六合彩其實還要多，故獻醜不如藏拙；二來估中指數唔可以當飯食，更加對搵錢毫無幫助，所以估嚟都嘥氣。
炒股不炒市乃股評人經常使出的絕招，無他，當指數唔上唔落之時，搬出這句似是而非的評論，肯定立於不敗之地。但諗深一層，除非你獨沽一味炒期指，或者買賣盈富基金（2800）度日，否則如上述所言，指數其實同你毫無關係。
所以，夠膽講句絕對大部份的戰友，100%時間的買賣動作，其實都係炒股不炒市，從這角度出發，呢句形容大市的不死金句，其實係廢話中嘅廢話，希望戰友以後再次聽到時，唔好再信以為真，我最希望嘅，就係呢五個字可以永遠消失。
唐牛
http://www.fb.com/tongcow88
本欄逢周二、四刊出
97年主權移交至今，香港前進還是倒退？「蘋果」與你細數廿載風雨。
【回歸二十年】專頁：http://hksar20.appledaily.com.hk
唐牛
魚樂無窮 - 唐牛 舊文
來源 source: http://hk.apple.nextmedia.com