【實力取勝】同事真係做到嘢（陳承龍）（第134期）
2017-7-20 18:30:30
一年容易又書展，每年暑假嘅香港書展，都係學生同家長最重要嘅節目之一，近年嘅入場人次，可以去到成100萬，都幾犀利。舊年《港股策略王》膽粗粗參加書展，一共出咗幾本非財經書，當中有方健儀、周顯
、筆華棋同歐陽一心，反應都唔錯，其中方健儀本《破天方》仲攞埋「金閱獎」，算係一個小鼓勵。
不過舊年檔位攞得唔太靚，而小弟同一班同事都冇搞書展嘅經驗，所以效果唔多好。今年就唔同啦，我哋晨早開始籌備書展，淨係個檔面，就搵咗一間專門做會儀展覽設計嘅公司做，個設計師喺英國中央聖馬丁藝術與設計學院（Central Saint Martins），猛料呢，所以設計reader-friendly好多。唔係賣花讚花香，如果小弟係客，我都想行入去睇。
再者小弟去年已經搵咗同事，專責同全權處理書展嘅嘢，大家有咩都搵呢位同事，唔好煩我，佢意見就係我意見。結果搵贊助商、聯絡作者、書本製作、場地布置、宣傳同人手安排等，完全唔使經我手，被委派嘅同事真係做到嘢，今年書展出奇哋流暢，真心多謝曬，等心可以專心搞策略王直播室同炒股，重點係同事諗到「書•贏盡在掌握」呢句口號，我好like。乜都小弟做就死得啦，策略王猛將如雲，有大project都唔使驚喎！
今年港股策略王出版社出嘅書，比舊年更多完化。財經類，有資深基金經理錢志健嘅《致富．活著–非凡的獨門投資術》，呢本幾特別，因為由財富投資講到健康投資；《上半場 私之前半戰》就係江小魚入行20周年紀念作，以半自傳形式講投資；最點係圖太郎本《圖表實戰—揭穿技術分析的秘密》，本書未出已經有好多fans話要買，佢自己都估唔到，「拋個身」出嚟講股評後會咁受歡迎。
其他五本，仲有我哋自己寫嘅《Central Style》、史丹利《活色—介乎毒男和金融才俊的中環詩意》、張鴻《股壇勝利組》、筆華棋《X二代》同蔚雨芯《芯假期》。係咪淨睇書名同Poster都好吸引呢？心動不如行動，快嚟會展Hall 1 A08攤位，買齊曬咁多本返屋企啦！嗱，早排啲滙控（00005.HK）輪食得和味嘅，支持返細佬啦！
實力取勝 - 陳承龍 舊文
來源 source: http://www.winmoney.hk