異動空間：一蚊升幅賺兩蚊
■投資者偏向審慎，一有風吹草動先走為敬，大市暫時仍未到轉勢之時。 資料圖片
連升到第14日，但魏力感覺大戶仍未踩行油，只是有秩序輪流用「三桶油」、內銀、內險等重磅股推高個市；板塊雖旺，但強如內房、資源股，亦不乏即市獲利調整，反映投資者仍偏向審慎，一有風吹草動
就先走為敬，可見暫時仍未到轉勢之時。
假如揸住當炒股，眼見高位回吐，自己又食唔切，很自然會諗「唉吖！早知頭先沽咗佢啦，低啲又可以買番。」這種「1蚊升幅賺夠佢2蚊」的想法，其實應該盡早戒掉。更多情況是，股價掉頭急跌時倉皇逃生，利潤先唔見一截，之後另覓新歡又不幸中伏，捱價之餘更望住之前「跳車」的股票絕塵而去，魚缸中最痛苦之事莫過於此。
講番個股，近月內地天然氣價格因供不應求而急升，由於全國尿素3成由天然氣生產，原料成本急增，尿素價格亦水漲船高，龍頭中海化學（3983）股價起飛在即！該股經過一年的收集期後，正蓄勢突破兩年半的雙頂阻力2.7元，如能企穩，下站可見3.2元。
業績方面，去年中期扭虧賺2.9億元（人民幣．下同），全年預期可賺近8億元，顯著走出谷底，近日更獲澳洲聯邦銀行連環增持，持股升至逾16%，值得關注。
筆者為證監會持牌人，未持有上述股份權益。
魏力
http://fb.com/2012jason
本欄逢周一、五刊出
魏力
異動空間 - 魏力 舊文
來源 source: http://hk.finance.appledaily.com