魚樂無窮：無定向喪心病狂
■路訊通新近一連串動作，並建議易名為貝森金融，大變身一觸即發。互聯網圖片
每逢農曆新年，賀歲劇「家有囍事」在各電視台無限loop乃指定動作，大家對「無定向喪心病狂間歇性全身機能失調症」呢句經典對白，肯定已瑯瑯上口。咁啱得咁蹺，港股亦出現了呢個病徵。
不是嗎？
北水停了四個半交易日，期間恒指竟然累升2,000點，相信冇乜邊個會估到。昨日成交更不足千億，似足去年細成交炒上的景況！
今日北水重臨，是福是禍唔敢講，但對匯控（005）來說一定利大於弊；冇計，少了回購力量，托價一定要靠北水。
唔少人留言問追揸沽策略，我只可以話，買得匯控就預咗睇中長線，計好股息率然後入場慢慢坐，一時三刻股價波動可以不理。
近期GO股亦勢凶夾狼，惠陶集團（8238）、建福（464）幾日升幅以倍計。要我揀隻GO股炒，路訊通（888）係不二之選。
先睇新近一連串動作︰以總代價2.7億元，收購有證監1、4、9號牌的持牌法團；委任中銀國際證券金融產品部前董事總經理卞方為行政總裁；建議易名為貝森金融。一句總結︰路訊通大變身一觸即發。最新市值不足20億銀，貨源卻依然歸邊（首十大券商持股近九成），一旦升穿1.74元高位，往後走勢難以估計！
唐牛
http://fb.com/tongcow88
本欄逢周二、四刊出
唐牛
魚樂無窮 - 唐牛 舊文
來源 source: http://hk.finance.appledaily.com