【實力取勝】計完數港股仲係好抵（陳承龍）（第166期）
2018-3-1 16:00:31
狗年開始，小弟繼續睇好大市，只要炒得緊謹，再有大回調都唔會亂。喺星期一（26日），睇到上周有17億美元（約133億港元）的環球資金（global funds）流入香港，但呢啲只係流入嚟買香
港單位信託基金嘅，好多流入港股嘅環球資金係唔會有紀錄，例如：如果哈佛大學投資基金、科威特主權基金、英航員工退休基金、巴菲特嘅資金等等，嚟香港股市狂掃30億美元（約234億港元）貨，係唔會登記或者公佈嘅。
24號同27號香港恒生指數總共升咗530點，因為繼續有環球資金買平貨，究竟環球資金有幾多？首先，全球股市總市值大約90萬億美元（約702萬億港元），全球債券總市值大約200萬億美元（約1,560億港元），加埋靠邊站準備入市同啱啱沽咗貨嘅閒錢，呢個環球資金池可以好大好大，暫時就當有90萬億+200萬億+60萬億閒資=350萬億美元（2730億港元）。
香港總市值只係得46,000億美元，大股東同國家（H股大股東）揸咗60%，即是只有18,000億美元可流通股作買賣。由於環球資金只有興趣買藍籌股，即是說只可以買這18,000萬億嘅大約三分二，即係12,000億美元（約93,600億港元）。
如果只有0.2%由350萬億嘅環球資金要嚟買香港股票，已經係7,000千億美元（約54,600億港元），即是12,000億元流通量嘅59%。如果成真，已經可以買到恒指去到4萬點以上了，現時入場嘅環球資金，我覺得只是先頭部隊。
環球資金對香港股市有興趣是因為市盈率（PE）平，只是14倍，美國PE係22倍，而且外資覺得中國很多壞消息已被反映，所以傳統智慧：「壞消息入貨」。
加上，全世界已經知道：中國嘅經濟、市場、人口、外滙儲備、世界影響力，己經大到不能不重視，大手買港股，有值博率，唔會唔買呀！
實力取勝 - 陳承龍 舊文
來源 source: http://www.winmoney.hk