Money Walker：勿對債息3厘過於執著
■十年期美債息3厘係投資者心理關口，對資產市場有短線影響，但都不宜過度執著。 資料圖片
近幾個月，每當全球金融市場回歸平靜一段時間，美債息就會顯著走高。
加息預期升溫係十年期美債息走高重要原因，據芝加哥商業交易所（CM
E）利率期貨預測，今年加息四次之機會率，已由1個月前嘅28.6%升至目前嘅39.3%。當然，預期好多時流於預期，埋單未必真係加到四次，但加息預期變化本身，已足以左右資產價格短期走向，因此即使筆者相信四次機會率不高，亦唔會對此忽視。
另美國政府增加發債以應付財赤，亦被指與美債息走高有關，但有關影響難以預測，故撇開不談。
無論如何，美債息走高肯定不利整體資產市場，因為美債息上升代表資金成本變得昂貴。但若論短線影響，美債息上升速度相較其本身之水平，對市場之短線影響其實更為顯著，美債息突然急升容易衝擊股市，慢慢上升的話，對股市之負面影響則可緩緩反映。當美債息逐步走高，股市不會因此即時大插，只係於資金收緊及槓桿逆轉下，股市會更易受其他負面因素衝擊，繼而為牛市畫上句號。
目前十年期美債息與3厘僅一步之遙，筆者認為3厘係投資者心理關口居多，如果美債息只係緩慢且多次上試該水平後，至成功升穿，咁無論升穿後是否企穩喺3厘之上，都應該唔會對股市有大影響。美債息3厘與恒指100天線，兩者某程度上類似，都係具參考價值嘅指標，但都不宜過度執著。反而美債息上升速度及推動其上升嘅背後因素，對資產市場之短線影響可能更大。
El.
http://fb.com/moneywalkerhk
本欄逢周三刊出
El.
Money Walker - El. 舊文
來源 source: http://hk.finance.appledaily.com