一路一帶：香港係智障城市
■香港堪稱智障城市，10個地盤有4個出現致命性錯誤，都可以當「個別事件」處理。 資料圖片
AI及大數據發展事在必行，中國及美國走得最前，最新留意到Uber透過AI分析用戶Call車時有否飲醉酒，用一系列數據分析，判定是否醉酒客。
聽Uber講，由Call車一
刻計算，透過AI分析佢打字嘅速度、準確度（撳錯制嘅次數），甚至係拎起手機嘅角度，行路時嘅步伐（有冇左搖友擺），就連選上落車地點合唔合理等因素都計算埋，分析客人有冇飲醉酒，若判斷為醉酒客，會將單分給較有經驗或者車廂較大嘅司機。AI做到呢點一啲都唔難，Uber更將呢項分析技術申請緊專利。
筆者又諗起，近日北上深圳某間酒店，發現前台接待客人，竟然係一部1米高的機械人，呢個機械人只是一個圓柱體形狀的機器，底部有4個車輪，識講嘢識行，搭電梯時仲識得分樓層，帶筆者到指定層數及房間，咪睇呢個好似流動垃圾桶嘅機械人，有能力取代員工部份工作。
香港AI發展落後中國幾千丈遠，創新發展永遠只係得地產項目，但諷刺的是，香港並非一個智能城市，而是一個智障城市。10個地盤有4個出現致命性錯誤，都可以當「個別事件」處理，問責制其實只係卸責制。
斯郎
http://fb.com/oneroadonebelt/
斯郎
~TITLE_S~一路一帶 - 斯郎 2018年6月21日 舊文
來源 source: http://hk.finance.appledaily.com