智取大市：兩大利淡的盡頭
■人民幣昨喘穩。
港股噚日曾跌近千點，主要原因來自A股、人民幣。人幣大跌本來係一件可以無限向下發酵嘅恐懼因素，足以蓋過任何事情，加上中證監之前唔畀股權質押亂斬倉，星期一喺港股冇開市之下，資金冇得揀焗住要掟A股大價股而令上證50急跌，噚日返到嚟，資金流方向注定要
港股cash out，接力做提款機，於是早段跌過籠。
如果睇外圍因素，應該倒帶睇返上星期五，當日港股大彈逾400點，係因為美國加息預期冷卻所形成嘅一連串反應。
波士頓聯儲銀行總裁羅森格倫上周中講到，聯儲局應為下一輪經濟衰退開始做準備；之後美國周四晚公佈第一季度實際GDP增長數據向下修訂至2%，差過預期；聯儲局主席鮑威爾隨即講到，美國通脹仍處低水平，加息將審慎行事。美匯升值預期隨即減弱，只不過人民幣匯價當時仲未止跌，引發呢幾日嘅中港股恐慌，撇除人仔因素下嘅美股，近日已見底部支持。
港股要短線反彈，首個條件係美匯上升預期減低，初步已達成。另一條件係人民幣回穩，離岸價13連跌後，昨急跌後下晝急彈。港股似乎開始驚少咗兩大利淡因素了。
晉佳
http://fb.com/advanceguy1
本欄逢周一、三、五刊出
晉佳
智取大市 - 晉佳 舊文
來源 source: http://hk.finance.appledaily.com