經濟客艙 - Captain Cool 2018年7月30日
經濟客艙：
首富的商業冒險
■貝索斯身家同亞馬遜股價一樣破頂再破頂，因為大家都相信亞馬遜嘅增長故事。 資料圖片
科技股的確開創無限可能，有間科網公司創辨人單日身家暴升超過7億美金，成為全球最富裕的人。有間科網公司創辦人則淪為小股東同政客狙擊目標，單日身家跌咗7億美金。
亞馬遜股價破頂，帶挈創辦人兼行政總裁貝索斯身家暴升，單日進賬7.3億美金，估計總資產衝破1,500億美金，前無古人。貝索斯賺錢除咗亞馬遜，亦因為佢擁有創業家嘅冒險精神。對貝索斯最有印象嘅金句並非關於電子商貿，而係簡單一套做生意嘅大道理，「做生意最多人問why，相對地大家同樣可以問why not?」
貝索斯嘅商業大冒險，投資嘅行業涉獵廣泛，投資Google及豪擲2.5億美金買咗《華盛頓郵報》，共享經濟Airbnb、貨運界嘅新星Convoy都可以見到貝索斯投資手影，兼財富增值。
亞馬遜歷史市盈率達144倍，股價同貝索斯身家一樣破頂再破頂，上市咁來又從不派息，繼續獲市場追捧原因，因為大家都相信亞馬遜嘅增長故事，亦對貝索斯領軍有信心。但科技公司嘅增長故事並非人人都buy，劇情同主角走曬樣，fb增長故事幻滅後，投資者比fb用戶更現實，及早斬纜離場。
http://fb.com/seeforcaptain/
Captain Cool
經濟客艙 - Captain Cool 舊文
來源 source: http://hk.finance.appledaily.com