【水能覆舟】如何上位？找出核心技能和擦鞋（渾水）
何上位？找出核心技能和擦鞋更多
大報的記者朋友邀請我做訪問，我斷然拒絕了。他想問我如何做Slash，如何在金融界生存之類，然後要把故事包裝成「90後上位記」。
讓人誤會我上到位係我唔好，其實我無上過位，仲好努力跑緊山搵緊生存之道，只是寶寶
努力，但寶寶不說。何況這個包裝必定累死我，把我送上網民的審判台，接受大家千夫所指。如何成為slash倒可以說兩句。做slash，即係代表你有兩個工作身份，那麼即是代表了至少有2個工作技能，對不？邏輯推理來的。所以首先要問自己：最叻做咩野？至少要想兩樣。
我沒有什麼特別技能，我只略懂股票和略懂寫作，所以我所有的業務、搵錢方式都由這兩項技能衍生出來。寫作勉強也不能說是生存技能，香港如果靠文字搵食真係死得囉，不過坦言稿費收入的確夠支付我卡數收入，我消費相對收入不算大。核心技能之外，也要想想自己的知識底蘊。我的核心知識係經濟學、社會科學，然後略懂文、史、哲、科普。找到優勢，就可以度下一步做乜。
至於上位，我覺得最快的方式就係擦鞋，不論什麼崗位的人都要擦鞋。有時唔係為了上位搵著數，而係為了事情盡快完成，關鍵係點擦得叻。我不是那類清高到話自己不擦鞋那類人，商業世界唔擦鞋一定係呃人，幾億的富豪要擦幾十億的，幾十億的更要努力擦幾百億的人。我常常擦，努力擦，但有時擦唔到太盡，而且技巧欠奉。記得有一次，親眼睇住一個人指住鬧老闆：「老闆，呢鋪我唔撐你啦，你點可以同個經紀吵架？你係一大老闆黎，大人應該要大量，你點可以同佢斤斤計較？你身邊咁多人，搵條友拆掂咪得囉」一擦還有一擦亮，我當刻分不清曲正，但事後老闆聽完好爽，證明佢擦中了點。我真係學到好多野。
水能覆舟 - 渾水 舊文
來源 source: http://hk.finance.yahoo.com