魚樂無窮 - 唐牛 2018年8月3日
【魚樂無窮】死亡交叉真正用途係……（唐牛）
近期市場最多人談論的，必數恒指出現了終極死亡交叉。先講死亡交叉定義︰當短期平均線（如10天線、20天線）跌穿中長期平均線（50天線、250天線），便屬於死亡交叉，顯示短線走勢轉差；終極死亡交叉乃50天線跌穿250天線，更被視為股市由牛轉熊的指標。更多
近期市場最多人談論的，必數恒指出現了終極死亡交叉。先講死亡交叉定義︰當短期平均線（如10天線、20天線）跌穿中長期平均線（50天線、250天線），便屬於死亡交叉，顯示短線走勢轉差；終極死亡交叉乃50天線跌穿250天線，更被視為股市由牛轉熊的指標。
終極死亡交叉係咪會加速跌勢？以今次為例，周二出現死亡交叉後，恒指連插兩日累瀉近千點，似乎靈過黃大仙，不過，根據近廿年往績（我太懶做功課，純粹參考其他高手的數據），終極死亡交叉出現後，升跌市比例其實一半半，同擲毫冇分別。
「咁你又點睇終極死亡交叉？」我會用兩個字形容︰滯後！50天線反映3個月左右走勢，250天線反映1年走勢，市場訊息千變萬化，幾日已經一個周期，仲用咁長線的工具測市，同用刀叉食魚旦粉冇乜分別。再諗清楚啲，呢兩日跌係因為終極死亡交叉定係貿易戰？你就會認同我所講嘅嘢。
既然終極死亡交叉咁廢，真正用途係乜？最主要及唯一的作用，就是擔起各大報章財經版頭條，搶眼球兼刷存在感，實際啲講就係填滿版位，角色與「一月效應」、「五窮六絕七翻身」、「聖誕鐘買滙豐」沒有兩樣，依然對呢個指標深信不疑的戰友，唯有祝君好運了。
唐牛fb專頁
http://www.fb.com/tongcow88
魚樂無窮 - 唐牛 舊文
來源 source: http://hk.finance.yahoo.com