唐吉訶德
唐吉訶德
恒生指數9月首周累跌915點。(資料圖片)
「九成人睇淡唔對路，所以個市要反彈。」言猶在耳，恒生指數立即3日內急跌過千點。明明長期睇淡，無端端轉身短炒，無得贏反而要輸。和損壞了的手錶一樣，一日總有兩次中，而且每次只是中得一分鐘。自我中心絕對是投資大敵，其實勝負
兵家常事，可是不能汲取教訓的話，就不會進步，資深而經驗淺。經常出錯而欠缺自省能力的人，是最好的交易對手。
今次錯在哪裡，錯在亂用陰謀論錯判形勢。雖然九成人睇淡，但這九成人當中絕大部分，已經是黃台之瓜不堪再摘，睇淡唔造淡，沒有戰意努力出擊沽期指買熊證。他們也不是得把口，而是一心等待反彈減持。沒有太大挾倉誘因，反而大家明知一反彈就喪屍出籠，大把人走貨，自然不會天從人願。市況只有陰乾或者急跌兩條路，結果騰訊控股(700)再次中伏成為催化劑，加上中國滯脹風險大增，雪上加霜。
市況變化，雖然是好淡博奕的結果，但始終有跡可尋。例如今次股票出現質變，應該又有一批長線資金卒之選擇離開中港，先走為敬，不等反彈也照沽。好友陣營原本就勢孤力弱，勉強力拼成本太高，倒不如將防線拉後，暫避其鋒。自作聰明滿倉call，不理客觀形勢，自然成為炮灰陪葬。
大部分股評人經常為人詬病見升睇升，見跌睇跌，但更加危險是見升睇跌，見跌睇升，逆勢被逼入死角，然後用搬龍門鬥長命大法。自己今次是在恒指二萬八千幾才加速減持，賺頭蝕尾埋單計數，整個大浪仍然算可以，由二萬二到二萬八，已經比2015年大時代全程的更多。如果自己升市先錯失1萬點升幅，再到形勢終於惡化卻離奇轉博反彈，唐吉訶德式操作，一早已經關門大吉。
投資當然難，特別是今年超級兩極化，美股大升市遇上新興市場大跌市。面對如此艱巨環境，要迎難而上步步為營，自顧不暇，自己也不好意思扮勁指點世人迷津。還是堅持曝光，只是想大家一齊見證過程，在成功與失敗之間，繼續進一步成長，成為更好的投資者。也明白傳媒目標純粹是吸睛，沒有任何使命可言，但整個港股市場之所以愈搞愈死，其中一個主因是投資文化不成熟。將投資當作賭大細，分析簡化成陰謀論，不理環境包拗頸，只會送更多新手上路，港股長遠還是算了吧。(基金持有騰訊)。
勝向敗中求 - 黃國英 舊文
來源 source: http://www.am730.com.hk