異動空間：騰訊回購點解讀 - 魏力
騰訊四年來首次回購，是否老闆馬化騰未夠信心自己出手增持，唯有花公司錢擺個姿態？ 資料圖片
騰訊（700）四年來首次回購，但非常慳豬，只係用7球多啲買2.27萬股，價錢介乎310.8至311.6元。股價見底了？魏力的回應是：如果老闆有信心見底，為何不
自掏腰包增持，而要揀用公司錢回購？
股價高位蒸發三份一，但老闆仲未夠信心自己出手，唯有花7球公司錢擺個姿態，當向股東有個交代，大家袋住先。如果再跌點算？套用鄧主席智慧：摸住石頭過河啦！
今番騰訊在300大關前出手，短期可緩和跌勢，但換個角度，即是將痛苦拉長而已。記得上月舜宇光學（2382）業績後連日下瀉，8月20日低見83.2元，公司當日伸出「神之手」，在幾乎最低位開始回購，買到上84蚊，一共15萬股，花費12球，對比騰訊已相當闊綽。至今，舜宇大致企穩90蚊樓上，算是「做到嘢」了。
舜宇上日公佈8月出貨量，手機鏡頭按年增長46.2%，但按月僅升2.6%，8月、9月為出貨高峯期，今次數字確係麻麻。再說，上半年出到貨可能源於劈價搶單，無助業績增長，再加上貿易戰、人仔貶值等因素，前景仍是充滿挑戰。
筆者為證監會持牌人，未持有上述股份權益。
魏力
http://fb.com/2012jason
本欄逢周一、五刊出
異動空間 - 魏力 舊文
來源 source: http://hk.finance.appledaily.com