【魚樂無窮】兩件事帶出一個道理（唐牛）
港股跌跌不休，冇乜好講，今日不如分享一下近日耳聞目睹的兩件事。
第一件，一名伯伯接受報章訪問時表示，已於32000點沽清所有股票，賺咗幾十萬，更向記者教路，炒股票唔好聽消息，只要信自己，搵幾隻好股票，有高息，高位的時候食糊便可。
第二件，與前同
事吹水傾開，話公司有個新入行記者，竟然問佢點解股價跌股息率會升，仲話身邊好多同學仔都唔知點解。當然，如果唔係財經底嘅，唔知都好正常，但做得財記又唔曉呢啲ABC，似乎有點那個。
兩件事放埋一齊，其實就係我經常同大家講，炒股有乜嘢好得過自己發掘，不求人先至係最高境界，其中一招正正係計好股息率入場，只要派息穩定兼且業績對辦，雨過天青之時，你就會係贏家。
太盟地產對春泉（1426）提出的靚價要約能否過關，同樣要睇股東們會否自己行動，要約截止日為下周一（29日），想食埋差不多一蚊差價的話，記住要表態了。
唐牛fb專頁
http://www.fb.com/tongcow88
魚樂無窮 - 唐牛 舊文
來源 source: http://hk.finance.yahoo.com