智取大市 - 晉佳 2018年10月26日
智取大市：美股稍後見真章 - 晉佳
美股仲未見頂，稍後見真章。資料圖片 適中字型 較大字型
呢兩日講得最多嘅，係中美衝突禍害蔓延到全球，終於有一個可以想像無限大嘅理由，令到股市無視估值不斷下跌都有人信。A股尾市絕地反擊，突然榮登全球最佳主要市場，但呢個回穩力度，面對環球股市跌勢由緩慢變為急劇，談不上有把握見底。
今轉短期跌市，同之前唔同，因為跌市擴散到去全球，涉及市場越多，更加難靠單一市場救市、利好消息去支持其他市場一齊見底回升，更容易以環球全體超賣去結束跌市。目前只能夠量度過往各個熊市嘅終極超賣水平，去睇最惡劣嘅技術低位喺邊，大概係月線圖B BAND下軸嘅更低水平。
至於即日點樣睇到終極拋售出現，條件就要市場極不理性。回想起舊年11月，恒指上衝3萬點之際，有一日黑期突然抽高成千點，極不正常，但就係嗰一刻見一見頂，然後進入12月大調整。相反版本不排除稍後出現。
之前一輪慢跌，好就好在畀大戶散戶一定心理準備，槓桿水平減到一定的低。不過，ELN重生加上被動基金當道，之前令到大價股升極都有，跌市就可能令大價股面對不問價拋售，騰訊（700）稍後可能面對更大考驗，拖低指數表現。不過要小弟估嘅話，美股仲未見頂，稍後見真章。
晉佳
http://fb.com/advanceguy1
本欄逢周一、三、五刊出
智取大市 - 晉佳 舊文
來源 source: http://hk.finance.appledaily.com