智取大市 - 晉佳 2018年11月23日
智取大市：iPhone危機有幾危 - 晉佳
蘋果生產鏈要撤出中國，需顧及的因素十分多，唔係話搬就搬。圖為蘋果CEO庫克。互聯網圖片 適中字型 較大字型
市傳鴻海一年精簡員工34萬人，公司話消息唔知邊度嚟，但削減29億美金成本嘅消息，就冇直接回應，即係冇否認了。調查講到新iPhone喺日本推出後，XS同XR喺日本銷量總和，竟然同舊款iPhone 8差唔多，足證銷情幾大鑊。有人仲陰謀論地，話iPhone銷售差係縮訂單表面原因，最終目的係要撤出中國生產。Cut單純粹因銷售差定係因為要撤出中國，兩個劇本結局是差天共地，但暫時冇證據睇到係後者。
蘋果要撤出中國當然有難度，其他地方有冇夠平又夠效率嘅低端人手？有冇海量嘅engineers？仲要有合適嘅法規，仲未計地價，可見生產鏈唔係話搬就搬。
近期FANGMAN一齊跌，騰訊（700）、美團（3690）、小米（1810）有得反彈，係因為三隻股基本因素好轉？定係受惠貿易戰之下蘋果撤出中國？定係基金喪沽美國科技股後，焗住買返少少香港科技股，以符合基金現金水平？暫時睇似後者。
市場對科技股信心弱，如果有一日，科技股股價過份反映到蘋果撤出中國等等終極不利因素，引發基金贖回潮令全球科技股齊齊跌，先算嚴重超賣，會否出現？Wait and see。
晉佳
http://fb.com/advanceguy1
本欄逢周一、三、五刊出
智取大市 - 晉佳 舊文
來源 source: http://hk.finance.appledaily.com