智取大市 - 晉佳 2018年11月5日
智取大市：希望絕望之循環 - 晉佳
上周五大成交反彈，但成交多卻未形成確認長線見底嘅劇本。 適中字型 較大字型
周五的千點大反彈，較有說服力係成交達1,700億。大型政治市嘅一大特色，係大戶同散戶差距會拉近，春江鴨不存在，於是就會出現周五喪升、短線客派唔切貨就被逼捱周一低開嘅情況，短炒嘅話往往要見好就收。
面對隨風擺柳嘅中美貿易談判消息，今勻利好消息若隱若現，相信未至於觸發投資者信心180度轉變。11月美國中期選舉加上習特會，似乎大家都有點期待，巨型反彈已反映市場對潛在消息扭轉股市局勢存在一絲絲希望。
V型反彈見底兩個條件，一係股市跌至嚴重超賣，二係有足以逆轉市場信心嘅堅實好消息，兩個條件都未見影，要築底又未完成收集期，成交多但未形成確認長線見底嘅劇本。
喺星期五恒指9小時RSI曾經升至90水平之下，投資者短時間內未敢再加注，買盤一停手，又會累積淡倉，於是反覆嘅機會仲大得多。短線嚟講，遊擊戰接近完結，市場情緒絕望就係反彈嘅開始，希望嘅出現係反彈嘅終結，呢種情況年底前或再上演。估計過埋習特會，港股重覆2015年尾牛皮偏淡嘅機會不低。
晉佳
http://fb.com/advanceguy1
本欄逢周一、三、五刊出
智取大市 - 晉佳 舊文
來源 source: http://hk.finance.appledaily.com