MyGut者言 - 徐家健 2018年11月21日
MyGut者言：伯恩失最佳上市時機？ - 徐家健
楊建文創辦的伯恩光學，兩年多前起有傳計劃在港上市，只是一直只聞樓梯響。 互聯網圖片 適中字型 較大字型
佢高傲，但係宅心仁厚；佢低調，但係受萬人景仰。本地十大富豪之中，只有楊建文一人專注工業。論名氣，楊建文不及郭台銘。多得傳媒報憂不報喜，當《iPhone削屏幕定單 8,000人被裁圍港資廠》成為頭條，楊建文創辦的伯恩光學馬上成為輿論焦點。金融圈的朋友，卻早一步留意這位「屏幕之王」的一舉一動，事關自兩年多前起，有傳市值以百億計的伯恩計劃在港上市，只是一直只聞樓梯響。現在全球智能手機市場放緩，加上中美貿易戰的不確定因素，屋漏偏逢連夜雨，如何影響伯恩的上市計劃呢？
首先要知道，IPO的浪潮有其市場規律。浪潮者，一窩蜂也，尤其集中於個別行業。另一相關現象，IPO起浪時，相同行業的公司股價亦會被炒上。經濟學的解釋，是公司會選擇最賺錢、現金流最充足時上市，這個時候通常行家生意亦好。以蘋果概念股為例，當iPhone大賣，楊建文的伯恩光學上市集資時機適合，郭台銘的鴻海股價同時會被炒上。
女友Babe同我講股：「股市原意，乃讓集資投資有其地。」我話：「《股票必勝法》只識叫人及早離去，唔識教人幾時上市。其實，IPO通常唔係為咗集資投資，而係股權分散會令公司更值錢。上市，唔係趁公司現金流有問題先嚟上。」Babe舉一反三：「咁上市最佳時機，咪好似女人等最靚時嫁人咁？」我答：「我又唔敢咁講，不過IPO後頭幾年股價表現通常跑輸大市。你睇伯恩個好姊妹藍思近年股值大縮水，伯恩拖咗幾年而家屋漏偏逢連夜雨先話嫁，我怕佢嫁得唔好囉。」
徐家健
美國克林信大學經濟系副教授
http://fb.com/economics3.0/
本欄逢周三刊出
MyGut者言 - 徐家健 舊文
來源 source: http://hk.finance.appledaily.com