【我係邪惡HR】Turnover的隱藏成本（上）（HR小薯蓉）
【我係邪惡HR】Turnover的隱藏成本（上）（HR小薯蓉）更多
上次講到請人嘅一啲較實際成本，今次講下啲穩藏成本。 可能因為以下呢啲成本表面上睇唔到點影響公司盤數， 冇量化嘅數字證實佢地存在，好多腦細都選擇
「眼不見為乾淨」。 但係你當睇佢唔到，並唔代表佢地唔存在。當一個同事決定辭職， 其實影響嘅有機會係整個團隊嘅表現、甚至係成間公司搵到嘅錢。
1.牽一髮動全身
假設有一個表現唔錯嘅同事辭職， 向其他同事講自己喺出面搵到份工人工高、福利好。 當其他同事聽到之後，雖然佢地未必會即時行動跟住走， 但佢地會開始諗：「莫非出面真係咁好景？」「 等我攞埋份Bonus又搵下工先。」牽一髮動全身， 一個人走可能連帶成個團隊一齊走，到時冇人做嘢， 全部重新Train過，當中你唔知要損失幾多生意。
2.邊個教新人？
當一個同事走咗，你請咗個新人返嚟，邊個負責教佢做嘢？ 通常最有資格嘅，都係另一個表現好又熟手嘅員工。試諗下， 呢位表現好又熟手嘅員工，平時一定已經要兼顧好多工作， 教新人又變成佢嘅額外負擔。當公司啲人不停嚟完又走， 佢嘅負擔就更大，表現同士氣都一定會大不如前。 佢嘅表現直接影響公司效率及服務質素，而呢位員工， 亦都可能會因為咁而選擇離開。
3.工作量影響其他同事
假設你有個好熟手嘅客戶服務主任走咗， 佢啲嘢就要另一個熟手同事幫手做。就算請到新人， 最快都要等個零兩個月先上手，呢位同事至少都要捱一頭半個月。 因為工作量增加，呢位同事就算唔發脾四，都一定好易出錯。 一出錯就好易得罪啲客「乜你地而家啲服務咁㗎?」 本來呢個客有可能成為長期客戶，最後決定唔再幫襯， 結果損失嘅都係老細。
下回繼續⋯
我係邪惡HR - HR小薯蓉 舊文
來源 source: http://hk.finance.yahoo.com