智取大市 - 晉佳 2019年1月2日
智取大市：新升浪三個條件 - 晉佳
港股未來要大升須具備三個條件。 適中字型 較大字型
12月美股喺淡季都可以大跌，反映喺程式盤主宰金融市場之下，傳統季節性因素影響力大減，股市已毋須一年年作結。呢一刻嘅課題係，港股跌市又跌咗，整固市都隨時完結，下一步會係整固完成再跌過？定係上落市維持多一段時間？
目前恒指市賬率徘徊喺1.1倍至1.2倍之間，估值無論如何都算低，喺中港未爆煲之下，唔容易出現大幅下挫空間。未來要股市上升，有三個條件，第一，中港樓價止跌；第二，中美糾紛有真正暫時緩和跡象；第三，有更大力嘅放水及寬鬆貨幣政策動作，足夠抵銷中美糾紛帶來嘅收縮效應。中長期某個時間，恒指要上返去市賬率1.4倍、即3萬點左右甚至更高，可視為一個潛在劇本。
港股除夕半日市以升市埋齋，除咗習近平同特朗普通電之外，值得留意係地方債新增限額1.39萬億人仔，加上今年已有5萬億MLF投入，同埋明年有1.5萬億減稅降費（比今年多2,000億預算），內房調控亦開始鬆綁，至少中央一路加注催谷。至於美國，特朗普阻完加息又會否阻縮表？值得超前諗一諗。
晉佳
http://fb.com/advanceguy1
本欄逢周一、三、五刊出
智取大市 - 晉佳 舊文
來源 source: http://hk.finance.appledaily.com