MyGut者言 - 徐家健 2019年1月2日
MyGut者言：如何揀強積金受託人 - 徐家健
滙豐 / 恒生是資產規模最大的強積金營辦商。 適中字型 較大字型
據報強積金去年人均蝕近一成，大市不妙也。「聖誕鐘買滙豐」是上一代股民的集體回憶，今天《蘋果》財經版的讀者卻只知轉走滙豐MPF才是退休第一步。根據股榮兄分析，過去十年滙豐六類主要MPF基金中只有保守基金能跑贏市場平均，而打工仔至愛的港股基金不但長期跑輸大市，更是時間越長，跑輸幅度越大。
然而，美世9月公佈的《美世強積金市場份額》指出，滙豐 / 恒生是資產規模最大的強積金營辦商，其次是宏利。滙豐MPF那麼差，何解市場佔有率仍那麼高？
除了回報和費用的分別，不同風險亦影響個別基金吸引力。留戀滙豐，一大原因其實是老早「揀咗喇」，當然又是僱主跟銀行有千絲萬縷的商業關係。
敲過聖誕鐘，我問女友Babe要唔要轉走滙豐，她斬釘截鐵：「唔要。」我引用股榮提出的數據，她再斬釘截鐵：「唔使啦。」我語重心長：「揀MPF好似揀老公咁，唔好因為一次表現差而忘記長遠回報。」Babe不耐煩：「唔鍾意人逼我。」為博她重新考慮，新的一年我公開呼籲積金局：「普天同㷫鬧爆強積金，但官方基金表現平台唔係咁易幫到打工仔。官方平台應該要畀打工仔容易睇得出轉走滙豐係唔係退休第一步，積金局亦應該教打工仔點樣平衡回報同收費。」
徐家健
美國克林信大學經濟系副教授
http://fb.com/economics3.0/
本欄逢周三刊出
MyGut者言 - 徐家健 舊文
來源 source: http://hk.finance.appledaily.com