MyGut者言 - 徐家健 2019年1月9日
MyGut者言：熊市投資組合再平衡 - 徐家健
市場七國咁亂，投資界有「一股不留淨揸現金」之說，近期一些基金經理都不約而同都在談論「投資組合再平衡」。 資料圖片 適中字型 較大字型
中國經濟持續下行、美國華府停擺、英國脫歐陷入撕裂危機、法國黃背心運動，世界七國咁亂，於是近期投資界有「一股不留淨揸現金」之說。
認識身邊幾個基金經理朋友，不約而同都在談論「投資組合再平衡」（Rebalancing）。打工仔不要以為可以置身事外，因為你的強積金投資亦可能需要rebalancing。然而，金融學術界原來對投資組合再平衡的概念有不少爭議。
最常見的一個爭議，可能是應否在升市或跌市時透過再平衡去維持原有的投資組合比例。例如，假設你原有的投資組合比為八成股票兩成債券，股市大跌之後八成股票的比例馬上大縮水。要維持原有的投資組合比例，再平衡便需要買入更多股票。換句話，再平衡需要selling winners and buying losers。
問題來了，即使不論這「頂紅跟白」的再平衡策略背後有甚麼理論支持，當全世界的精明投資者都在市場上嘗試「頂紅跟白」，跟你交易的是儍的嗎？
女友Babe對強積金去年勁蝕超過一成非常不滿：「儍嘅，個個都頂紅跟白，唔通個個都可以頂紅跟白咩。」我非常欣賞她的投資智慧：「頂紅跟白去再平衡投資組合，的確係比較天真嘅投資策略。」Babe問：「有冇啲唔似你雙魚座咁多心嘅投資策略？」我答：「有種叫Adaptive Asset Allocation Policy以不變應萬變嘅投資策略，最簡單嘅做法就係承受市場上一般投資者承受嘅風險，咁樣做不論熊市或牛市，投資組合嘅比例由得佢自然隨市況改變而調整。」Babe再問：「咁佛系？」我再答：「投資同拍拖一樣，太積極太強求只會弄巧反拙。」
徐家健
美國克林信大學經濟系副教授
http://fb.com/economics3.0/
本欄逢周三刊出
MyGut者言 - 徐家健 舊文
來源 source: http://hk.finance.appledaily.com