金手指 - 孫柏文 2019年2月26日
金手指 ：侵侵連任有危機 - 孫柏文
特朗普係第一個真落實選舉承諾嘅總統，不過呢幾個月，開始覺得佢淆底。 資料圖片 適中字型 較大字型
2016，侵侵選總統。當年孫柏文睇到花旗國民情如何，就深信佢有市場未反映贏嘅機會率。之後，佢不斷被全球主流傳媒打，我都唔覺得佢連任會有難度，原因係佢係第一個真落實選舉承諾嘅總統。
當年，佢話會盡做防非法入境者、重新界定北約秩序、打爆ISIS、隻揪北京同埋結束令年輕人永冇上位機會嘅零息貨幣政策。佢做總統後，真係逐一實現。就算唔係完全做得到，都起碼比起以前總統有「誠意」。不過，近呢幾個月，我開始覺得佢淆底。
近呢幾個月，佢開始俾人嘅感覺就係「做唔到，係因為自己唔想做」，而唔係之前咁，想做不過其他人唔俾佢做。最顯眼，必定係佢逼聯儲局轉軚，唔俾加息縮表，去洗牌reset，同埋呢幾日係咁，睇落對北京手軟。
原先，我嘅部署係先沽曬啲樓，等加息冧價，再買例如俄鋁（486）呢啲受惠股份。雖然，我一股俄鋁都未沽過。不過，真係開始擔心侵侵繼續落去，會越來越軟化。唔好話作為大陸企業競爭對手嘅股東，作為一個香港人，睇到有人卒之迫北京要守信用，唔可以開啲會彈嘅期票。不過唔再逼，真係心酸。
呢啲舉動，原本支持佢嘅人都一定知，所以，今次係我第一次睇淡佢連任機會。之後點部署，大家應知，就係返去2016嗰種世界。
孫柏文
獨立股評人
http://fb.com/shuen
本欄逢周二刊出
金手指 - 孫柏文 舊文
來源 source: http://hk.finance.appledaily.com