金手指 - 孫柏文 2019年8月6日
【金手指】解放軍會否開槍？ - 孫柏文
駐港解放軍。
資料圖片 適中字型 較大字型
根據賓夕法尼亞大學嘅智庫排名，孫柏文作為港區第二智庫創辦人，喺2017年特首林鄭啱啱上台時，同其他智庫代表參加咗次特首主持「獻計」會。
當時我代表獅子山學會話「令民怨飛升最迫切嘅社會問題，就係中港矛盾。」記得當我一講，坐喺枱對面嘅特首，雖面無表情，不過隻手就變拳頭。
我繼續話：「近呢幾年，政府政策中唯一有助矛盾降溫，就係宣佈咗嘅鹹水化淡計劃。」講到呢度，特首忍唔住話：「東江水供應穩定，呢個計劃（停一停）你哋獅子山學會一向都係咁（再停一停，唞啖氣）。好，好，你繼續講。」咁我就繼續話中港矛盾好多個戰場，水，只係其中一個。要逐一解決，否則民怨會爆。我特登強調，土地唔係解決方法嘅銀子彈。因從香港人角度，起新樓？大陸人買曬啦。起公屋？新移民攞曬啦。嗰刻，連其他代表都好似比粗口更難聽咁嘅樣。
早喺2017年1月27日，我上過謎米同任亮憲做節目時講過。當時我話：「如果我係行政會議裏，我就會咁建議。」任一聽就話：「你入行政會議？下世啦！」我仲有冇預測？我問大家，解放軍入城，會唔會開槍先？水砲？咪呢頭散嗰頭聚。如果開，你知唔知有幾多𡃁仔想做阻坦克嘅六四「tank man」。而開在，重奪按揭市場第一位嘅中銀會點呢？佢啲美元counter party會否call loan？大陸仲有冇美元去救呢？
孫柏文
獨立股評人
http://fb.com/shuen
本欄逢周二刊出
金手指 - 孫柏文 舊文
來源 source: http://hk.finance.appledaily.com