智取大市 - 晉佳 2019年11月11日
【智取大市】港股明年最大變數 - 晉佳
明年11月的美國總統大選，如果沃倫勝出，鬥仇中可能成為爭取選票主題，相信資本戰可能成為新戰線。 資料圖片 適中字型 較大字型
有兩個被散戶忽略嘅消息，第一個係美國地區選舉上周結束，民主黨喺弗吉尼亞州和肯塔基州取得重大勝利，打擊出年美國總統大選嘅共和黨票倉。呢兩個州向來係美國嘅經濟強州，照計美股向好，兩個州選舉有利共和黨，莫非選民唔buy特朗普連番挑起國際糾紛？就算美股破頂都唔收貨？
喺共和黨輸掉兩個州嘅地區選舉之後，另一個消息係彭博有意出選美國總統大選嘅民主黨初選，因為佢認為拜登、沃倫同桑德斯都唔係特朗普對手。
彭博眾所周知係傳媒機構彭博創辦人，2019年福布斯全球富豪榜第九位。佢對中國偏向採取綏靖主義，佢旗下嘅《彭博》，處理香港政局問題，絕對係偏藍，相信喺所有民主黨初選參選人之中，係最親中嘅一個，習近平一定好鍾意佢。而佢嘅出現，分析相信會𠝹走副總統拜登嘅票。
民主黨初選候選人嘅對華政策成為重點，究竟會由親中定仇中陣營勝出初選？對港股影響，有可能比起明年11月美國總統大選更關鍵，如果沃倫勝出，鬥仇中可能成為爭取選票主題，相信資本戰可能成為新戰線，到時已足夠打擊明年大部份時間嘅港股走勢了。
晉佳
http://fb.com/advanceguy1
本欄逢周一、三、五刊出
智取大市 - 晉佳 舊文
來源 source: http://hk.entertainment.appledaily.com