資料圖片/互聯網圖片
世事發展，人人都同2003年作比較，不過孫柏文覺得似2007年多啲。記得當年夏天，中
央吹風要「排洪」話會搞「港股直通車」，仲有聯儲局走出來減息，令市場覺得花旗國「次按問題」為銀行系統帶來嘅衝擊已完。2008年發生咩事，相信唔使再提。今次係二戰後世界經濟嘅最大衝擊，所有供應鏈撕裂，未來數月全球所有上市公司將會盈警滿天飛。
攞大陸來講，佢哋終極賺外滙嘅方法係靠出口。現成個經濟停頓，所有企業人民幣債都仲可以叫人行印鈔救命，不過啲美元債呢？大陸啲銀行冇曬啲出口商賺外滙，想借美元畀啲企業還債都冇。
仲要睇外國染病數據，走勢同武漢喺12月相似。到時全球包括日本、新加坡等美帝軍事盟友出現大量死亡時，唯一能救大陸美元債嘅聯儲局，係咪真係印鈔借畀人行呢？如借，條件會否寫到永久打爆大陸製造業？到時會否向香港嘅銀行攞，終極打爆香港呢隻錢罌cash out保黨政？
2007年，我眼見次按風暴已到，不過股市升五成嘅情況下叫沽清捱鬧。今日港股雖無當年嘅升幅，不過建議一樣：將手上股票立刻沽清。
唔沽，咁你同一月中喺大陸街頭被《有線電視》記者問點解唔戴口罩時啲人答：「不怕！有政府不怕。」有咩分別？
孫柏文
獨立股評人
http://fb.com/shuen
本欄逢周二刊出
金手指 - 孫柏文 舊文
來源 source: http://hk.entertainment.appledaily.com