【湯文亮專欄】點解樓價指數升 樓價唔升
【湯文亮專欄】點解樓價指數升 樓價唔升
圖：星島
文|湯文亮
紀惠集團副主席及行政總裁
即使未有新冠疫情，我在過去2年發表的樓市預測都是睇淡，理由是樓價已經超過一般市民的負擔能力，買樓自住還可以，但買樓投資似乎不是好時機，最好還是揸多個錢傍身，這句話從
來沒有人提及，反而在過去2年，不少買了樓的人見到我都會話好彩無聽我講，否則就損失慘重。
不過，如果我話一切還原，假設他們在這2年沒有買過樓，竟然接近全部人話我願意，我有多少奇怪，既然答案是我願意，點解又話好彩無聽我講。
最近我翻查2年前坊間樓價指數，竟然與今日大致相同，唔怪之得最近無人話好彩無聽我講，不過，這2年不斷聽到樓價上升，但指數是平手，究竟升幅去了哪裡。
很多人講樓市，都是報喜不報憂，上升時候大大聲講，下跌時候可以唔講就唔講，就算講都避重就輕，就算坊間樓價指數都是一樣，雖然指數現在與2年前一樣，但近期買樓的人知道，他們買入的單位，不但比以前平，而且質素亦比以前好。
按真實情況，樓價指數應該下跌，但現在不但與2年前一樣，而且仲畀人一個感覺樓價在這2年有一定升幅，是不是有點奇怪。不過亦不是什麼大不了的事，只要在這2年買樓的人自我感覺良好便可以，無謂太執著樓市升跌，不過，千祈唔好見到我就話好彩無聽我講。
本文為作者獨家供稿。
本文為作者觀點，不代表本媒體立場
責編：Loki
湯文亮專欄 舊文
來源 source: http://www.orangenews.hk